اسلام آباد(ویب ڈیسک)پاکستان کرکٹ بورڈ کے چیئرمین رمیز راجا کو تبدیل کر کے نجم سیٹھی کو نیا چیئرمین پی سی بی بنائے جانے کا امکان ہے۔ذرائع کے مطابق نجم سیٹھی نئے چیئرمین پی سی بی کے لیے مضبوط امیدوار ہیں کیونکہ وزیراعظم شہباز شریف نجم سیٹھی کو چیئرمین پی سی بی بنانے کا عندیہ دے چکے ہیں۔ذرائع کے مطابق سیکریٹری آئی پی سی نے چیئرمین پی سی بی کی تبدیلی کی سمری وزیراعظم ہاؤس کو ارسال کردی ہے۔وزیراعظم شہباز شریف سے نجم سیٹھی نے ظہرانے پر لاہور میں ملاقات کی ہے۔وزیراعظم کا کہنا ہے کہ 2014 کا پی سی بی آئین بحال کیا جائے۔ذرائع کے مطابق 2014 کے پی سی بی آئین کی بحالی کے بعد ڈیپارٹمنٹل کرکٹ بحال ہوجائے گی۔ذرائع کا کہنا ہے کہ وزیراعطم پی سی بی آئین 2014 کی بحالی کا حکم کسی بھی وقت دے سکتے ہیں۔
