پاکستان اور نیوزی لینڈ کے درمیان سیریز کے لیے پاکستان ٹیم کا اعلان ایک دو روز میں متوقع ہے جب کہ ٹیم کے انتخاب کے لیے بابر اعظم سے بھی مشورہ کیا گیا ہے۔
ذرائع کا کہنا ہے کہ سیریز کی تیاری کے لیے کیمپ بھی لگائے جانے کا امکان ہے، کیمپ میں 8 اپریل سے ٹریننگ شروع کرنے کی منصوبہ بندی کی جارہی ہے۔
ذرائع کے مطابق ٹیم کے انتخاب کے لیے قومی سلیکشن کمیٹی نے مشاورت مکمل کر لی ہے۔
اس کے علاوہ قومی سلیکشن کمیٹی نےکپتان بابر اعظم سے بھی مشورہ کیا ہے۔
ذرائع کا کہنا ہے کہ چیئرمین نجم سیٹھی کی منظوری کے بعد ٹیم کا اعلان کر دیا جائے گا۔
واضح رہے کہ لاہورمیں تین ٹی ٹوئنٹی میچز 14 ،15 اور 17 اپریل کو کھیلے جائیں گے
