پاکستان نیوزی لینڈ ٹی ٹوئنٹی سیریز کے لیے قومی کرکٹ ٹیم کی ٹریننگ کے دوران فاسٹ بولرحارث رؤف کو زمان خان کی یارکر لگ گئی۔
زمان خان کی تیز یارکر لگنے کی وجہ سے حارث رؤف تکلیف کے سبب بیٹنگ چھوڑ گئے۔
ترجمان پاکستان کرکٹ ٹیم کا کہناہے کہ حارث رؤف کی تکلیف کا زیادہ مسئلہ نہیں، وہ بہتر ہیں۔
پاکستان اور نیوزی لینڈ کے درمیان 5 ٹی ٹوئنٹی میچز کی سیریز 14 اپریل سے شروع ہوگی۔
پہلا ٹی ٹوئنٹی میچ 14 اپریل کو لاہور میں کھیلا جائےگا، دوسرا ٹی ٹوئنٹی 15کو اور 17 اپریل کو تیسرا ٹی ٹوئنٹی بھی لاہور ہی میں کھیلا جائےگا۔
چوتھا اور پانچواں ٹی ٹوئنٹی 20 اور 24 اپریل کو راولپنڈی میں میں ہوگا۔
